ԵՊՀ ռեկտոր Արամ Սիմոնյանը մանիպուլացնող, մեր ասածի հետ կապ չունեցող բաներ է խոսում․ Դավիթ Սանասարյան

Այս ճչացող, իրականությունից կտրված մանիպուլացնող երևույթը որևէ ձևով չի կարող իրավիճակ փոխել: Ներկա և նախկին պաշտոնյաներին խորհուրդ չեմ տալիս Արամ Սիմոնյանի օրինակին հետևել եւ ասել, թե ենթադրում են, որ սա քաղաքական որակում է:

ԵՊՀ ռեկտոր Արամ Սիմոնյանը մոլորեցնում է հանրությանը ու մանիպուլացնող հայտարարություններ անում՝ ասելով, թե իբրեւ ընկած են իր հետեւից, որովհետեւ ՀՀԿ անդամ է։ Այս մասին այսօր ասաց Պետական վերահսկողական ծառայության ղեկավար Դավիթ Սնասարյանը՝ ԵՊՀ-ում իրականացրած ստուգումների եւ ԵՊՀ ռեկտոր Արամ Սիմոնյանի հայտարարությունների վերաբերյալ մամուլի ասուլիսի ժամանակ։

Սանասարյանն ասաց, որ Արամ Սիմոնյանը ՊՎԾ-ի աշխատանքների հետ կապ չունեցող հայտարարություններ է արել։ Մասնավորապես՝ ԵՊՀ ռեկտորն ասել էր, թե ՊՎԾ-ն ստուգել է 9 մլրդից ավելի գնումներ, սակայն, ինչպես հայտնեց Դավիթ Սանասարյանը, ծառայությունը ստուգել է միայն 2,5 մլրդի գնումներ։

«Մենք ուսումնասիրել ենք եկամտային մասից միայն վարձակալության մասը, եւ ես վստահեցնում եմ, եթե այդ ուսումնասիրությունները տեւեին երկար, այդ թվերը բազմապատկվելու էին»,-հայտարարեց ՊՎԾ ղեկավարը։

Սանասարյանն ասաց, որ ԵՊՀ ռեկտորին խորհուրդ է տալիս բարձր որակի իրավաբանների ու փաստաբանների հետ աշխատեն, որ կարողանան գոնե իրենց տեսակետը ներկայացնել հետագայում։

ՊՎԾ ղեկավարը նաեւ ասաց, փաստեր շատ կան, ուղղակի իրավապահների աշխատանքին չխոչընդոտելու համար ոչ բոլորն են հայտնում․ «Խայտառակ փաստեր կան, իրավապահները իրենց գործողությունների արդյունքում ցույց կտան»։

(Visited 11 times, 1 visits today)