Նոր մանրամասներ Կերչի քոլեջի ողբերգական դեպքի վերաբերյալ:

Մահացած կանայք դասավանդել են Կերչի քոլեջում, որտեղ զոհերի թիվը գերազանցել է երկու տասնյակը։

Սվետլանա և Նաստյա Բակլանովների անունները նշվում են Կերչի քոլեջում մահացած անձանց ցուցակում։

Ինչպես հաղորդում է Mash տելեգրամ ալիքը, Սվետլանա և Նաստյա Բակլանովները մայր ու դուստր են, երկուսն էլ դասավանդել են այդ քոլեջում։

Նշենք` երեկ Կերչի քոլեջում ինքնաշեն ռումբ է պայթել։ Միջադեպի փաստով սկզբում ահաբեկչության մասին էին քրեական գործ հարուցել, բայց ավելի ուշ պարզվել էր, որ քոլեջի ուսանողն է հրաձգություն սկսել ուսումնական հաստատությունում։ Քրեական գործը վերաորակավորվել է երկուսից ավելի անձանց սպանության հոդվածով։

Նշվում է, որ Սվետլանան ուսմասվար է աշխատել և 26 տարի քոլեջում մաթեմատիկա է դասավանդել։ Նրա դուստր Նաստյան հասարակագիտություն է սովորեցրել երեխաներին։ Նույն քոլեջում է աշխատել նաև ընտանիքի հայրը։ Հարձակման պահին նա եղել է նկուղում, ինչի շնորհիվ փրկվել է։

Արդեն հայտնի է, որ քոլեջում սպանդը կազմակերպել է չորրորդ կուրսի ուսանող Վլադիսլավ Ռոսլյակովը։ Ղրիմի ղեկավար Աքսյոնովը հայտարարել է, որ հանցագործը դեպքի վայրում մենակ է եղել։ Ականատեսների խոսքով` ուսանողը չէր կարող միայնակ նման հանցագործություն կազմակերպել։

Հարձակման հետևանքով մահացել են 21 մարդ։ ՌԴ քննչական կոմիտեում նշել են, որ բոլորը մահացել են հրազենային վնասվածքներից։

Մի քանի տասնյակ մարդիկ են տուժել, 37-ին հիվանդանոց են տեղափոխել։ Մի քանիսը ծայրահեղ ծանր վիճակում են։

Պարզվել է, որ հրաձգություն սկսած տղան 2015 թվականի սեպտեմբերի մեկին է հաշվառվել քոլեջում։

Նա անվճար է սովորել ու կրթաթոշակ է ստացել։ Նախկինում երբեք ագրեսիա չի դրսևորել և ոստիկանության տեսադաշտում չի հայտնվել։

Մեկ ամիս առաջ նա զենք պահելու իրավունք էր ստացել։ Զենքի արտոնագիրը վկայում է, որ տղան բժշկական ստուգումներ է անցել, այդ թվում` հոգեբույժի մոտ։

armeniasputnik.am

(Visited 83 times, 1 visits today)